Времето денеска на повисоките подрачја ќе биде сончево со мала до умерена облачност. По котлините со појава на магла или значителна ниска облачност, кои попладне ќе се намалат, информира УХМР.
Минималната температура ќе биде во интервал од -3 до 4, а максималната ќе достигне од 8 до 15 степени.
Во Скопје значително облачно и магливо, во текот на денот облачноста делумно ќе се намали. Минималната температура ќе се спушти до 0, а максималната ќе достигне 10 степени.
Во следните денови продолжува периодот на стабилно и суво време со умерена до значителна облачност, по котлините со појава на магла.
