Славен Билиќ повеќе не е тренер на ВБА, објавија повеќе англиски медиуми. Заедно со Билиќ од клубот ќе заминат и неговите тројца асистенти. ВБА се претпоследни на табелата во Премиер лигата, со само една победа во 13 одиграни натпревари. Интересно, Билиќ доби отказ и покрај тоа што синоќа остана непоразен во дуелот со Мачестер сити.
Славен Билиќ сезонава го врати ВБА во Премиер лигата. На почетокот на сезоната, тој јавно го критикуваше клубот за лошата трансфер-политика. Тој на почетокот на сезоната од клубот доби само 40 милиони евра за засилувања. За тие пари тој донесе тројца фудбалери.
Тренерската кариера Билиќ ја градел во Хајдук Сплит, Локомотив Москва, Бешикташ, Вест Хем и Ал Итихад. Бил селектор на младата и сениорската репрезентација на Хрватска.
Негов наследник би требало да биде Сем Олердајс.
> ВБА го отпуштија Славен Билиќ <
