Хашкото обвинителство до Специјалното државно обвинителство на Црна Гора ги достави досиејата за случаите на воени злосторства за гонење на 15 лица, пишува „Дан“.
Истрагата е тајна, а како што беше објавено од Хаг, станува збор за истрага за тешки кривични дела, кои вклучуваат и сексуално насилство, пренесува порталот ЦДМ.
Според Серж Брамерц, обвинител на Меѓународниот резидуален механизам за кривични судови на Советот за безбедност на ООН, Обвинителството ќе продолжи да соработува директно со своите партнери во државниот совет со цел да ги поддржи понатамошните истраги и кривичното гонење.
Шефот на Специјалната полициска екипа, Драган Радоњиќ, неодамна во интервју за „Дан“ изјави дека одделот со кој раководи, по наредба на Специјалното државно обвинителство, собрал податоци во десет случаи поврзани со сомневање дека е извршено воено злосторство.
