Францускиот премиер Жан Кастекс најави дека карантинот ќе биде укинат од 15 декември и дека нема да се бара посебна дозвола или причина за напуштање на куќата и патување, но дека ќе биде воведен полициски час од 20 до 6 часот наутро и дека ќе биде укинат на 24 декември, но не и на 31 декември, како што беше претходно најавено, пренесува порталот „Локал Франс“.
„Сè уште не сме на крајот на вториот бран и нема да ја постигнеме целта ако до 15 декември не достигнеме 5.000 новозаболени на ден. Знаеме дека собирањето за време на празниците е ризик. Затоа треба да останеме внимателни“, рече тој на прес-конференција.
Тој ги повика сите што може да продолжат да работат од дома, да останат дома што е можно подолго и да избегнуваат собири.
Останува во сила и одлуката сите кина, театри и културни центри, кои требаше да бидат отворени на 15 декември, да останат затворени до 7 јануари в година. Баровите, рестораните и спортските сали ќе останат затворени најмалку до 20 јануари.
