Кинеските молекуларни биолози открија дека коронавирусот влегува во човечките клетки не само преку рецепторите на ензимот 2 (ACE2) туку и преку рецепторите SR-B1, кои ги препознаваат молекулите на холестерол.
„Сличноста помеѓу Ковид-19 и SARS-инфекциите покажува дека антителата и пептидите кои се насочени кон ACE2 може да се користат во третман против Ковид-19”, напишаа научниците во списанието Natural Metabolism, пренесува ТАСС.
„Знаејќи дека Ковид-19 навлегува и преку SR-B1 рецептори, предлагаме дека лековите чија цел е SR-B1 може да дејствуваат како антивируси кои ја ограничуваат инфекцијата со Ковид-19“, се додава.
Способноста на Ковид-19 да се поврзе со различни рецептори ги натера научниците да испитаат со кои други рецептори може да се поврзе, што може да го одреди текот на лекувањето.
