Петра Влахова од Словачка победи на првата трка во слалом, во новата сезона во Светскиот куп, која се возеше во Леви, Финска.
Влахова, по двете возења, забележа вкупно време од 1:50.11 минути. Второто место, со 18 стотинки послабо време од победничкото, го освои Михаеле Шифрин. За Американката ова беше прва трка по пауза од девет месеци.
На третата позиција се пласира Австријката Катрина Лиенсбергер (1:50.68).
Во Леви не настапија Швеѓанките кои мораа да бидат во задолжителниот карантин.
Утре, на истата патека, скијачките ќе возат уште една трка во слалом.
> Влахова победи на првиот слалом во сезоната <
