По завршувањето на пандемијата ќе има дури 50 проценти помалку службени патувања од претходно, а ќе се зголеми процентот на оние кои работат од дома, прогнозира Бил Гејтс.
Тој за „Бизнис инсајдер“ изјави дека по пандемијата ќе има и 30 проценти помалку канцелариска работа.
Основачот на „Мајкрософт“ смета дека фирмите ќе го подигнат прагот за деловни патувања по здравствената криза, а приватните состаноци ќе се одржуваат ако навистина се итни.
„Мајкрософт“ минатиот месец најави дека ќе откаже половина од своите деловни летови по пандемијата, како и дека е многу малку веројатно дека вработените во таа компанија ќе доаѓаат на работните места, односно почесто ќе работат од дома.
Воведување на сличен хибриден модел веќе најавија и други технолошки компании како што се Твитер и Фејсбук.
