Оскаровецот Метју Меконахи е најверојатно следната селебрити- личност што ќе го фрли својот шешир во политичкиот ринг.
Ѕвездата на Dallas Buyers Club и „Меџик Мајк“ се чини дека ја разгледува идејата кога разговараа за политиката со радио-водителот Хју Хјуит во интервју објавено на Интернет во средата.
На прашањето дали би се кандидирал за гувернер на Тексас или друга политичка функција, актерот рече дека сè уште нема донесено дефинитивна одлука, но не ја исклучува таквата можност.
51-годишниот Меконахи е роден и израснат во Тексас пред да се пресели во Лос Анџелес и да направи кариера во романтични комедии како „Како да изгубиш момче за 10 дена“.
„Мислам, дека тоа не зависи од мене. Тоа зависи од луѓето повеќе отколку од мене,“ рече Меконахи.
„Политиката се чини дека е лоша работа во моментов. А кога политиката ќе ја редефинира својата цел, ќе бидам многу позаинтересиран да влезам во неа“.
