Песната Dance Monkey на австралиската поп-звезда Tones and I е најпребаруваната песна на апликацијата Shazam на сите времиња, објави Би-би-си.
Повеќе од 200 милиони луѓе месечно ја користат апликацијата Shazam за да идентификуваат песни што ги слушнале, а не ги знаат имињата.
Dance Monkey била пребарувана 36,6 милиони пати, соопшти компанијата.
„Немав публика кога ја објавив Dance Monkey, но [Shazam] ми даде можност да стигнам до повеќе луѓе и да ја подигнам мојата фан-база, што доведе до создавање кариера за мене“, рече Tones and I.
Dance Monkey помина 11 недели на местото број еден во Велика Британија на крајот на минатата година и се најде на првото место на топ-листите во 29 други земји.
Второто место го освои хитот на Lilly Wood & The Prick од 2014 година – Prayer In C.
На трето место е песната Let her go на Passenger.
Топ-20 листа на најпребарувани песни на Shazam на сите времиња:
