Поранешниот репрезентативец на Египет, Мидо, открил каде Мохамед Салах се заразил со коронавирусот. Фудбалскиот сојуз на Египет, во петокот, објави дека тесто на Салах е позитивен. Тој нема да игра за репрезентацијата и сигурно ќе пропушти еден натпревар на Ливерпул во Премиер лигата.
„Неиграњето на Салах е голем проблем за Египет бидејќи тој е нашиот најдобар фудбалер. Тој се однесуваше неодговорно, со што ризикуваше да се заразат и неговите соиграчи. Беше на свдбата на својот брат, а тоа во вакви околности не смееше да го направи. На свадбата имаше повеќе од 800 гости, пола од нив се гушкаа со Салах“, рекол Мидо.
Прашање е како ќе реагираат од Ливерпул, во ситуација кога во клубот има многу повредени играчи, а еден од најдобрите не ги почитувал здравствените протоколи. Јасно е дека во клубот не знаеле дека Салах, настапот за репрезентацијата ќе го искористи за да присуствува на венчавката.
> Салах на свадба се заразил со корнавирусот <
