Длабоко сочувство до семејството Иванови за загубата на Љубисав Иванов – Ѕинго, упати претседателот на ВМРО-ДПМНЕ, Христијан Мицкоски.
„Тој ќе остане запаметен како еден од најискусните политичари кои својот капацитет, искуство и истрајност ги насочија кон градење на слободна и независна Македонија. Неговата политичка, но и деловна кариера потврдува дека станува збор за еден од највпечатливите личности која имаше визија и мудрост да опстои и истрае“, се наведува во пораката на Мицкоски.
Тој додава дека со Ѕинго често разменувал искуства и како што вели, биле на вистинската страна на политичката сцена.
„Ми беше поддршка кога бев генерален секретар на ВМРО-ДПМНЕ и сега во времето кога имам можност да ја раководам. Граѓаните денеска изгубија добар човек, политичар и пријател“, порача Мицкоски.
