Времето утре ќе биде сончево со мала до умерена облачност. Претпладне по некои котлини ќе има појава на магла. Ќе дува слаб до умерен северен ветер, информира УХМР.
Утринската температура ќе биде во интервал од -4 до 4, а дневната од 13 до 20 степени.
Во Скопје претпладне ќе има магла, а попладне ќе биде сончево со умерена облачност. Ќе дува слаб северен ветер. Утринската температура ќе се спушти до 1, а дневната ќе достигне до 14 степени.
До понеделник ќе се задржи стабилно и суво време со магла и ниска облачност по котлините. Од вторник се очекува променливо облачно време со повремени врнежи од дожд.
