Прилепската полиција извршила три претреси во селото Големо Радобил при што се пронајдени и одземени пет пушки и автомобил за кој претходно било пријавено дека е украден.
Од МВР информираат дека во домот на М.М. (52) бил пронајден ловен карабин 7,9 модел 98, кај Т.Ј. (41) пронајдени и одземени биле два ловни карабина и 42 парчиња муниција и кај Ф.Ц. (49) пронајдени и одземени биле една ловџиска пушка и еден ловџиски карабин, како и возило „волво“, кое претходно било пријавено за украдено.
Против овие лица ќе бидат поднесени кривични пријави.
