Музичката дива со фотосесија ги презентира најновите модели од колекцијата „Ајви Парк х Адидас“.
Новата колекција од соработката на Ајви Парк, брендот на Бијонсе, и гигантот Адидас, поттикна огромна љубопитност кај фановите.
Таа започна да споделува некои од нејзините пастелни комплети заедно со нејзините селебрити-пријатели кон крајот на минатиот месец.
А во вторникот, Бијонсе покажа поинаква страна на нејзината соработка со спортскиот бренд Адидас, позирајќи во елегантен сет од претежно црни парчиња.
Урбана и комфорна – поп дивата (39) ги истакна своите облини во микс од спортски и лежерни парчиња во повеќе објави на нејзиниот профил на Инстаграм.
Странските клиенти ќе добијат пристап до облеките на 18 ноември, а фановите ќе можат да ја најдат облеката во продавниците низ целиот свет почнувајќи од следниот ден.
