Најмалку 12 лица загинаа во експлозија и пожар во хемиски магацин во фабрика за памук во западна Индија, соопшти спасувачката служба. Според извештаите на локалните медиуми, дел од магацинот се урнал од јачината на експлозијата, а оштетени се и неколку околни згради во предградието на градот Ахмедабад во државата Гуџарат.
Во гаснењето на пожарот учествувале повеќе од 50 пожарникари со 24 возила. По неколку часа, огнот е ставен под контрола, јавува АП.
