Утрински Весник
Свет

Пукање во Нов Белград, мета бил член на криминалната група „Пинк Пантер“

Пукање во Нов Белград, мета бил член на криминалната група „Пинк Пантер“

На паркингот пред трговскиот центар во Нов Белград, каде што попладенво околу 16:40 часот се случило пукање, во кое тешко бил ранет еден маж, во моментов се врши увид од страна на белградската полиција, пренесуваат српските медиуми.

Според „Танјуг“ во тек е интензивно пребарување на околината со цел да се пронајде напаѓачот.

Порталот „Блиц“, пак, информира дека пресметката се случила на паркингот, а напаѓачот потоа го фрлил пиштолот и се дал во бегство.

Од Брзата помош изјавиле дека во Ургентниот центар е донесен тешко повреден маж.

Дел од медиумите јавуваат дека застрелан е 35-годишниот Александар Шарац, кој важел за член на криминалната групата „Пинк Пантер“ позната по своите спектакуларни кражби во западноевропските земји.

Според неофицијални информации, тој веќе им подлегнал на повредите.

Извор: makfax.mk

Можете да прочитате

Борците на ПКК почнаа со церемонијално предавање на оружјето во Ирак

Лавров: Русија ја повтори својата позиција за Украина во разговорот со Рубио

САД подготвуваат предлог-закон за санкции од 500 отсто за земји што купуваат руска енергија