Без дистанца и маски, синоќа во угостителскиот објект „Мош“ во Скопје се одржа настап на српскиот пејач Владо Георгиев.
Директорот на Пазарниот инспекторат, Стојко Пауновски, изјави дека минатата недела против истиот локал била поднесена кривична пријава.
Тој образложи дека не можат да ги затвораат објектите, бидејќи законски е предвидена само кривична пријава за непочитување на протоколите.
Вели дека луѓето не се свесни, а колку и да ги казнуваат операторите, тие повторно ја плаќаат казната.
Според најновиот извештај на Министерството за здравство, во изминатите 24 часа потврдени се рекордни 243 нови случаи на коронавирус.
