Италијанскиот премиер Џузепе Конте изјави дека ќе му предложи на парламентот да ја продолжи вонредната состојба до крајот на јануари следната година.
Вонредната состојба, која требаше да биде укината во средината на октомври, им дава поголеми овластувања на регионалните и централните влади, со што им се олеснува на службените лица да ги заобиколат бирократските правила што ги забавуваат повеќето процеси на донесување одлуки во Италија, истакнува „Ројтерс“.
Веќе неколку недели има забележително зголемување на бројот на лица заразени со коронавирусот во Италија, а расте и бројот на хоспитализирани.
