Американскиот претседател Доналд Трамп во својот прв твит по првата претседателска дебата што се одржа вчера вечер го обвини модераторот Крис Валас дека застанал на страната на неговиот противник од Демократската партија, Џо Бајден, пренесува „Њујорк пост“.
Твитот без зборови прикажува фотографија на Трамп од левата страна, наспротив Валас и Бајден заедно од десно, со кратенката „VS“ во фонт од серијата „Уличен борец“.
Во текот на целата хаотична прва дебата на универзитетот „Кејс Вестерн Ризерв“ во Кливленд, водителот на „Фокс њуз“, Валас постојано ги прекоруваше двајцата кандидати – особено Трамп – дека го прекинуваат и за меѓусебно прекинување.
— Donald J. Trump (@realDonaldTrump) September 30, 2020
„Вие дебатирате со него [Бајден], а не со мене”, во еден момент Валас му свика на Трамп, кој го виде тоа на друг начин.
„Очигледно е дека дебатирам со тебе, не со него“, одговори Трамп. „Но, тоа е во ред, не сум изненаден“.
Резултатот беше натпревар во прекинување кој често излегуваше од контрола и лични напади на штета на суштинските точки од политиката.
