Оскаровецот и ѕвездата на „Џокер“ Хоакин Феникс и неговата свршеница, актерката Руни Мара, наводно, пред еден месец го дочекале нивното прво дете, машко бебе кого го крстиле по покојниот брат на Феникс, Ривер.
Режисерот Виктор Косаковски веста ја откри на филмскиот фестивал во Цирих по проекцијата на филмот „Гунда“, на кој Хоакин е извршен продуцент.
Косаковски ја спомна убавата вест во емисијата Q&A („Прашања и одговори“) изминатиов викенд, откако го прашаа како го инволвирал новиот татко во филмот. „Патем, тој доби бебе … убав син Ривер“.
45-годишниот оскаровец и неговата 35-годишна свршеница не го објавија раѓањето на нивното прво дете и никогаш не ја потврдија бременоста.
