Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој загинаа 26 лица.
„Како резултат на страшната трагедија, Украина вчера изгуби 26 вредни синови. Јас инсистирам да се расчистат причините за авионската несреќа и истрагата да биде објективна и непристрасна”, напиша Зеленски на Фејсбук.
Сегодня на Украине день траура в связи с крушением Ан-26 https://t.co/zvhMqgagWG pic.twitter.com/U4EZdUqhVh
— NEWS1.ru (@ru_news1) September 26, 2020
Шефот на неговиот кабинет, Олег Татасров изјави дека претседателот наредил прекинување на летовите на сите воени транспортни авиони Ан-26 додека не се утврдат причините за несреќата во регионот Харков, пренесува Тасс.
Украинските власти како можни причини за авионската несреќа ги наведоа техничкиот дефект, грешката во екипажот, грешката во контролата на летот и несоодветното одржување на авионот.
Под Харьковом разбился самолет Ан-26, сообщили СМИhttps://t.co/4LxdjKuI0A pic.twitter.com/9adYCgQcIr
— РИА Новости (@rianru) September 25, 2020
Државната служба за безбедност објави дека авионот паднал пет минути откако командантот на екипажот побарал дозвола да слета откако левиот мотор престанал да работи.
„Според прелиминарните информации, кадетите немале контрола над леталото, но со нив командувал командантот на екипажот“, се вели во соопштението.
Бројот на загинатите во падот на украинскиот воен авион на североистокот на земјата, во регионот Карков, се искачи на 26 лица, откако почина еден од кадетите коишто ја преживеаја несреќата.
Кадетите на универзитетот Харков во воздухопловството изведувале тренинг лет. Снимките од местото на несреќата беа објавени на Интернет.
