Утрински Весник
Македонија

Средба Маричиќ-Гир: ЕУ ќе биде партнер во спроведување на реформите за владеење на правото

Средба Маричиќ-Гир: ЕУ ќе биде партнер во спроведување на реформите за владеење на правото

Министерот за правда Бојан Маричиќ денеска се сретна со новиот амбасадор и шеф на Делегацијата на ЕУ во Република Северна Македонија, Дејвид Гир.

Посакувајќи му топло добредојде на новиот евроамбасадор, министерот Маричиќ истакна дека клучните реформи во поглед на евроинтеграциите на Северна Македонија се наоѓаат токму во ресорот правда и дека поддршката од ЕУ ќе биде мошне значајна за европеизација и трансформација на земјата.

На средбата се дискутираше и околу подготовките во Министерството за правда за почетокот на преговорите и отворањето на Поглавјето 23: Правосудство и фундаментални права.

Маричиќ истакна дека правдата е најголем приоритет за граѓаните и дека најголемите очекувања се токму во оваа област: Зголемување на ефикасноста, транспарентност и етика во постапувањето на судовите и обвинителствата.

Владеењето на правото, изградба на непристрасен, објективен и ефикасен правосуден систем ќе бидат во фокусот на вниманието за време на неговиот мандат, истакна Маричиќ, кој дополни дека во сите процеси и најавени реформи во правосудството и владеење на правото, ЕУ ќе биде партнер во спроведување на реформите, се вели во соопштението.

Извор: makfax.mk

Можете да прочитате

Миноски бара „рестартирање на системот“ и проверка на потеклото на имотот на функционерите од 1990 година

Ахмети се повика на Мицкоски и побара избори – Единствениот излез се предвремени парламентарни избори

Американската амбасада во Софија издаде безбедносно предупредување за цела Европа пред празниците