Првиот трејлер за филмот „Супернова“ ги следи Колин Фирт и Стенли Тучи како хомосексуална двојка која посетува места од минатото, додека едниот од нив има рана фаза на деменција.
Фирт и Тучи ги глумат ликовите Сем и Таскер, кои се заедно повеќе од 20 години. На Таскер му била дијагностицирана рана деменција пред две години.
Тие патуваат низ Англија во посета на пријателите, семејството и места од нивното минато, бидејќи нивната врска е ставена на краен тест, пишува „Варајети“.
