Германскиот државен секретар за европски прашања, Мајкл Рот, ја повика Велика Британија да го почитува договорот за одвојување од ЕУ, пред клучното гласање на британскиот парламент за нацрт-законот со кој се укинуваат делови од тој договор.
„Ние сме навистина, но навистина разочарани од резултатите од досегашните преговори“, им рече Рот на новинарите на патот кон разговорите со европските колеги во Брисел.
„Овој таканаречен нацрт-закон за внатрешен пазар многу нè загрижува бидејќи ги крши водечките принципи на договорот за раздружување. И тоа за нас е целосно неприфатливо“, нагласи тој.
„Но, ве молам, драги пријатели во Лондон, престанете со игрите. Времето истекува“, рече тој.
