Во последните 24 часа во Црна Гора се потврдени 219 нови инфекции со коронавирус и двајца починати пациенти, објави Институтот за јавно здравје.
Во истиот период биле направени вкупно 822 тестирања.
Вкупниот број на смртни случаи поврзани со Ковид-19 во земјата од почетокот на јуни е 105, а од почетокот на годината 114.
Пријавено е закрепнување кај 38 пациенти.
Вкупниот број на активни случаи во Црна Гора во моментов е 1.630.
Вчера Црна Гора пријави 216 нови случаи на вирусот, што медиумите го пренесоа како дневен рекорд кој црногорските епидемиолози го очекувале по политичките митинзи пред и по парламентарните избори на 30 август.
Од почетокот на годината, вкупниот број на регистрирани случаи на инфекција е 6.094.
