Во последните 24 часа, во Африка се потврдени 7.347 нови случаи на инфекција со коронавирус.
Во истиот период, други 202 лица починале како резултат на Ковид-19, објави Регионалната канцеларија на Светската здравствена организација за Африка.
Од почетокот на пандемијата, на африканскиот континент се заразиле 1.307.190, а починале 31.515 пациенти. Повеќе од милион пациенти се опоравиле, пренесува руската новинска агенција „Тасс“.
Најголем број на заразени и починати се регистрирани во Јужна Африка – 639.362 односно 15.004. На второ место е Египет, со 100.041 потврден случај, додека 5.541 пациент починале како резултат на инфекцијата во оваа земја.
