Папата Франциско ги повика верниците да престанат со озборувања, нарекувајќи ги полоши од коронавирусот. Тој рече дека тие може да се искористат за поделба на Римокатоличката црква.
„ Ве молам, браќа и сестри, да се обидеме да не озборуваме. Озборувањето е полошо од Ковид-19“ истакна папата за време на неговото неделно обраќање од прозорот над плоштадот Свети Петар.
На почетокот на следниот месец, папата Франциско, ќе го посети италијанскиот град Асизи. Тоа ќе биде негово прво патување надвор од Рим откако во февруари во Италија избувна пандемијата на коронавирусот.
