По потпишувањето на договорот со Косово во Белата куќа, претседателот на Србија, Александар Вучиќ, пред новинарите зборуваше за подароците што ги добил од американскиот претседател Доналд Трамп – пенкало, порака на хартија и, како што рече, клучеви од Белата куќа.
„Ова е пенкало што ќе го чувам за себе, го добив од Доналд Трамп. Тој ми го даде и мене …”, започнал Вучиќ, на што еден од новинарите го прашал дали со тоа пенкало го потпишал договорот со Косово.
President Vučić of ?? claims that after today’s meeting with Donald Trump he got a pen “Trump uses to sign things”, a “message on a piece of paper,” and “keys to the White House so that he can always enter it.”
Sure, buddy. Betcha it was so.pic.twitter.com/Sow1RDvsDc
— Aleksandar Brezar (@brezaleksandar) September 4, 2020
„Не, не, не, само претседателот Трамп потпишува со ова пенкало. И тој ми го даде тоа пенкало, како што ми напиша порака на парче хартија … и сега ја барам таа порака, да не ја објаснувам …”, рекол Вучиќ, а потоа некој од страна споменал клучеви, на што Вучиќ додал:
„И ги добив клучевите од Белата куќа, тој (Трамп) ми рече: ‘Ова е за да можете секогаш да влезете во Белата куќа’“, рекол Вучиќ.