Руската Федерална служба за безбедност (ФСБ) спречи масовни убиства во неколку руски региони.
Уапсени се 13 лица, кои подготвувале напад врз образовни институции, полициски згради и други фреквентни места, се вели во извештајот на специјалната служба, што го пренесе „Спутник“.
„Во неколку региони беа уапсени 13 руски државјани, кои планираа масовни убиства со употреба на импровизирани експлозивни направи, запаливи смеси, ладно оружје, а исто така ги наговарале корисниците на интернет да извршат такви злосторства. 11 од нив се членови на затворена интернет-група на една социјална мрежа“, се наведува во соопштението.
Меѓу уапсените се пронајдени упатства за производство на запаливи и експлозивни направи, шеми на напади врз образовни институции, полициски згради и фреквентни места за сообраќај, се нагласува во соопштението.
Членовите на ФСБ кај криминалците пронашле четири готови импровизирани бомби, делови за нивно склопување, како и ловечко и ладно оружје.
