Руското Министерство за здравство соопшти дека пострегистрациската фаза на клинички испитувања на вакцината против коронавирусот „Спутник 5“ треба да заврши до крајот на 2022 година, пренесува „Танјуг“.
Почетокот на испитувањето беше на 25 август, а крајот е планиран за 31 декември 2022 година, се наведува на веб-страницата на руското Министерство, пренесе ТАСС.
Целта на клиничките испитувања по регистрацијата е да се процени ефикасноста, имунолошката моќ и безбедноста на вакцината.
Испитувањата ќе се вршат во девет здравствени установи во Москва.
Русија на 11 август објави дека е прва во светот што ја регистрирала вакцината против Ковид-19, која е развиена во Националниот истражувачки центар за епидемиологија и микробиологија „Гамалеј“.
