На денот од годишнината од формирањето на Агенцијата за национална безбедност, Претседателот на Македонскиот полициски синдикат, Марјан Кицев и Директорот на Агенцијата за национална безбедност(АНБ) Виктор Димовски го потпишаа Колективниот договор за вработените во АНБ.
„ Потпишувањето овој Колективен договор претставува чин на унапредување на работничките права, акт во кој се верификувани, надградени и подобрени правата од работен однос на вработените во Агенцијата за национална безбедност(АНБ) за што ние како Македонски полициски синдикат како единствен репрезентативен синдикат во АНБ сме и тоа како задоволни бидејќи успеавме да направиме за еден од најдобрите Колективни договори во земјава“ соопштија од Синдикатот.
Со колективниот договор, како што велат се подобруваат и унапредуваат правата од работен однос а со тоа се подобрува економско социјалната состојба, се имплементират мерки по европски терк за заштита и безбедност на работниците и многу други поволности кои со потпишување на Колективниот договор ќе се стекнат вработените во АНБ.
На свечениот настан покрај Претседателот Кицев, присуствуваа и Генералниот секретар Киро Трајковски и Потпретателите Горанчо Јовановски и Борче Грујоски кои водено беа преставниците од Македонскиот полициски синдикат кои како членови на работната група изминатите месеци работеа на изработката на Колективниот договор.
