Времето денеска ќе биде претежно сончево со слаб до умерен јужен ветер, информира УХМР.
Минималната температура ќе биде во интервал од 10 до 18, а максималната ќе достигне од 30 до 35 степени. Вредноста на УВ – индексот ќе биде 8.
Во Скопје ќе биде сончево со слаб јужен ветер. Минималната температура ќе се спушти до 15, а максималната ќе достигне 34 степени.
Продолжува периодот на сончево и топло време со пораст на дневната температура. Особено топло ќе биде во недела и понеделник, кога во најголем дел од земјава температурата ќе надмине 35 степени.
