Турскиот претседател Реџеп Таип Ердоган подготвува нови мерки откако бројот на заразени со коронавирус во Турција се искачи на 1.502 случаи за еден ден, што е најмногу од средината на јуни.
Министерот за здравство Фахретин Коца напиша на Твитер дека починале уште 24 лица, со што вкупниот број досега изнесува 6.163 смртни случаи.
Ердоган најави дека државните институции сега ќе можат да применат флексибилни услови за работа, како што е работа од дома. Ова е објавено во претседателскиот декрет, во кој се вели дека се преземаат чекори за запирање на епидемијата во земјата.
Министерството за внатрешни работи соопшти дека се забранети одредени собири, прослави, свадби и веридби. Во 14 провинции, свадбите ќе можат да траат само еден час, со забрана за танцување и други видови забава.
