ЛА Лејкерс го декласираа Портланд со 135:115 и се на чекор до пласманот во полу-финалето на плејофот. Една победа од пласман во конференциското полу-финале ги дели и Милвоки Бакс, додека Оклахома Тандер го израмнија на 2-2 резултатот во серијата против Хјустон.
Лејкерси рано ги разрешија дилемите околу победникот во четвртиот меч од серијата со Протланд. „Езерџиите“ мечот го отворија со серија 15:0, а по првата четвртина имаа предност 43:25.
Проблем за Портланд е повредата на десното колено со која се здоби Демијан Лилард на почетокот на третиот период.
Леброн Џејмс го предводеше својот тим со 30 поени, 6 скока и 10 асистенции, по 18 поени постигнаа Ентони Дејвис и Кајл Кузма. Најдобар кај Портланд со 20 поени беше Јусуф Нуркиќ.
Оклахома Тандер славеа над Хјустон 117:114. Тандер се вратија во игра за пласман во полу-финалето откако беа поразени во првите два натпревари. Хјустон на овој натпревар шутнаа 58 пати за три поени што е нов НБА рекорд.
Џејмс Харден забележа 32 поени, 8 скока, 15 асистенции, Ерик Гордон постигна 23, а Даниел Хаус 21 поен.
Кај победниците се истакнаа Денис Шрудер со 30 и Крис Пол со 26 поени.
> Лејкерс го „згазија“ Портланд, Оклахома израмнија против Хјустон <
