Баерн Минхен ја освои својата шеста европска титула со 1:0 победата над Пари Сен-Жермен, додавајќи трофеј на тие освоени во 1974, 1975, 1976, 2001 и 2013, и поставувајќи нов единствен рекорд – станувајќи првиот шампион од ЛШ кој победил во сите мечеви до титулата (11 победи во 11 меча).
Баерн во натпреварите по групи двапати ги победија Олимпијакос (2:0, 3:2), Црвена звезда (3:0, 6:0) и Тотенхем (3:1, 7:2), а потоа во осминафиналето двапати беа подобри од Челси (3:0, 4:1). Во Лисабон, тие ги „прегазија“ Барселона со 8:2, доминираа против Лион со 3:0 и на крајот ги победија ПСЖ со 1:0.
Вкупно, се работи за 11 победи со 43:8 гол-разлика и зачудувачка статистика ако се видат историски големите тимови кои стигнувале до овој трофеј (Реал Мадрид, Барселона, Милан…).
Баерн исто така се приклучуваат на Барселона како единствен клуб кој двапати ја освоил континенталната тројна титула (ЛШ, домашната лига и домашниот куп), откако истото го направија во 2013.
> Покрај сите легендарни големи клубови – никој толку доминантен како Баварците оваа сезона <
