Во експлозија на бомба на патот во Авганистан загинаа седум цивили, изјави официјален претставник.
Никој не ја презеде одговорноста за бомбашкиот напад во областа Џагату, во провинцијата Газни, пренесува АП.
Според локалните власти, три жени, две деца и двајца мажи загинале кога нивното возило налетало на бомбата на патот.
Според извештајот на Обединети нации во првите шест месеци од годината во вооружени судири во Авганистан загинаа 1.282 луѓе, а стотици се повредени. Повеќе од 40 проценти од цивилните жртви се жени и деца.
