Полицијата во Марсеј потврди дека ја повлекле контроверзната одлука со која забранија носење на дресови на Пари Сен-Жермен во центарот на градот во недела, кога лутиот ривал ПСЖ го игра финалето од ЛШ против Барен Минхен.
Марсеј, засега, се единствениот француски клуб кој успеал да освои европска круна, откако претходно Ремс, Сент-Етјен и Монако губеа во финалињата. Во градот на југот на Франција се горди на титулата од 1993 година и многу од жителите на Марсеј не сакаат ПСЖ да го израмнат нивното остварување.
Откако во вторникот имаше инциденти предизвикани од навивачите на Марсеј во центарот на градот, кои се закануваа на неколкумината кои ги најдоа со дресови на ПСЖ, во четвртокот беше објавено дека нема да се дозволи носење на дресови на парискиот клуб, пред полицијата да се предомисли.
„Единствена цел на овој декрет беше да се заштитат навивачите на Париз, а не да се ограничи правото на слободно движење. Поради забуните кои се случија, полицијата реши да го повлече предлогот. Во недела ќе има посебни полициски сили во центарот на градот кои ќе се обидат да ги спречат сите проблеми, без исклучок“, се вели во објавата.
Во Марсеј забранија носење на дресови на ПСЖ во недела!
> Властите во Марсеј се откажаа од забраната на дресови на ПСЖ <
