Главниот лекар во сибирската болница, каде што се лекува рускиот опозициски политичар Алексеј Навални, изјави дека му било дијагностицирано метаболичко заболување кое е последица на ниското ниво на шеќерот во крвта.
Александар Мураховски, главен лекар во болницата во Омск, додаде дека на облеката и на прстите на Навални (44) биле пронајдени траги од индустриски хемиски супстанции.
Навални се разболе во авион на летот за Москва вчера, откако пиел чај на аеродромот во сибирскиот град Томск, поради што авионот итно морал да слета во градот Омск, каде што политичарот се уште е на интензивна нега и е приклучен на респиратор.
