Рускиот опозициски лидер Алексеј Навални заврши во одделението за интензивна нега на сибирската болница во кома и на респиратор, откако, според неговата портпаролка, тој бил отруен утрово.
Симптомите на Навални се конзистентни со труење.
Портпаролот на рускиот претседател Владимир Путин, Дмитриј Песков, му посака брзо закрепнување на рускиот опозиционер, кој се наоѓа во болница и се бори за живот.
Kremlin spokesman Dmitry Peskov wishes a “speedy recovery” to Alexei Navalny who is in a coma in a Siberian hospital with what his aides say are symptoms of poisoning.
— BBC Monitoring (@BBCMonitoring) August 20, 2020
Шефот на правниот оддел на антикорупциската фондација што ја води Навални, Вјачеслав Гимади, на „Твитер“ напиша дека нема сомнежи дека Навални е отруен поради неговата политичка положба и активности.
Навални беше затворен десет пати, полиен со опасна течност, тој се сомнева дека веќе е отруен еднаш.
Државната новинска агенција ТАСС објави дека Навални бил во единицата за токсикологија на единицата за интензивна нега во болница во Омск.
„Неговата состојба е сериозна“, рече главниот лекар на болницата, Александер Мураковски, за ТАСС.
