Бројот на починати од последиците од коронавирусот во Русија надмина 16.000, бидејќи во последните 24 часа се регистрирани уште 110 смртни случаи. Ова е мало намалување на бројот на починати во однос на претходниот ден, кога се регистрирани 117 смртни случаи.
Вкупно 16.099 луѓе починале од коронавирус во Русија досега, пренесува ТАСС.
Русија регистрираше 4.785 случаи на коронавирус во последните 24 часа, со што вкупниот број на заразени изнесува 942.106, соопшти Центарот за криза. Според центарот, дневната стапка на раст не надминувала 0,5 проценти веќе петти ден по ред.
Русија е на четврто место по бројот на заразени од коронавирус во светот, по САД, Бразил и Индија.
