Џенифер Анистон откри дека било катарзично да глуми славна личност во новата драма-серија „Утринско шоу“ (The Morning) на стриминг-платформата „Епл плус“.
Анистон (51) стана глобална суперaѕвезда во 90-тите како Рејчел Грин во култната ТВ-серија „Пријатели“, децении пред да почне да ја портретира водителката Алекс Леви во популарна утринска програма, една од главните ликови во новата драма-серија во која игра и Рис Витерспун како репортерка (Бредли Џексон).
„Снимањето на новата серија беше катарзично а исто така ми беше интересно да гледам како секогаш се обидувам да изгледа дека сè е супер, и потоа има моменти кога имате ваш приватен нервен слом, изјави таа за „Лос Анџелес тајмс“.
Во реалниот живот ТВ-иконата помина низ големи лични пресврти пред очите на јавноста, вклучувајќи ги нејзините неуспешни бракови со Бред Пит и Џастин Теру.
Нејзиниот прв развод уследи со додадена брчка кога Бред неславно ја остави за да биде со Анџелина Џоли, со која тој сега е во процес на развод.
Ликот кој го глуми во „Утринско шоу“, Алекс, исто така, поминува низ развод и мора да се справи со нови обврски како мајка на тинејџерка.
