Со применувањето на новите мерки за повратниците од Хрватска, во согласност со предупредувањето за патување издадено за земјата, многумина се обиделе да се вратат во Австрија минатиот викенд за да ги избегнат скапите тестирања.
На сите гранични премини на југот на Австрија имало километарски колони од оние што сакале да влезат во земјата пред полноќ во текот на денот.
Сепак, околу 350 луѓе кои живеат во Австрија на преминот од Словенија кон Австрија – Шпилфелд, иако чекале со часови во колона, влегле дури на полноќ.
Тоа за нив значи дека добиле решение за карантин со наредба за задолжително тестирање во рок од 48 часа.
Од полноќ, секој што доаѓа од Хрватска мора да има негативен ПЦР-тест за да влезе во Австрија или мора да го направи во Австрија, на свој трошок во рок од 48 часа.
Кој не го направи ПЦР-тестот во предвидениот рок и не ги почитува карантинските мерки сè додека не добие негативен резултат, ќе мора да плати глоба во износ од 1.450 евра.
