Поранешниот прволигаш Перуџа вчера вечерта испадна во третата лига, Серија Ц откако го загуби двобојот со Пескара, што донесе до бесна реакција од навивачите на клубот, кои едно време ги држеа фудбалерите заложници на стадионот „Кури“.
Перуџа победи со 2:1 во мечот, но загуби во првиот меч со 3:3, по што по продолженијата загубија на пенали.
Околу 700 лути навивачи ги блокирале играчите на стадионот до 2.25 часот наутро, а само поради полициското присуство не се случи посериозен инцидент. Навивачите фрлале шишиња и факли кон влезот на стадионот.
Пред главниот влез во градот Перуџа беа поставени обесени четири кукли со дресови на клубот – три претставувајќи ги фудбалерите со броевите 9, 23 и 37 (Пјетро Јемело, Марчело Фалцерано и Џанлука ди Кјара) и четврт кој ги претставува првите луѓе на клубот. Над нив пишуваше: „Сакаме да ве видиме вака“.
Перуџа последен пат испадна во Серија Ц во 1986/87.
> Драма во Перуџа – лутите фанови сакаа да ги линчуваат фудбалерите <
