Властите во кинескиот град Шенжен соопштија дека преку анализа утврдено било присуство на коронавирус на увезени пилешки крилца од Бразил.
Слична ситуација се случила вчера и во градот Вухан, каде анализата утврдила дека ракчиња увезени од Еквадор биле контаминирани со коронавирус, јави Би-би-си.
И двата случаи ги зголемија стравувањата дека увезената храна може да предизвика нов бран на ширење на коронавирусот, а властите во Шенжен ги повикаа граѓаните да ги преземат неопходните мерки на претпазливост за да се избегне нов бран кој би се проширил преку увезени прехранбени производи.
