Хакерската група која што се претставува како македонски анонимни на „Твитер“ објави дека ја урнале интернет страницата на англиската пејачка со албанско потекло Дуа Липа, откако на социјалните мрежи таа објавила мапа на Голема Албанија и пораки за Косово.
AnonOpsMKD на 22 јули објави дека ја преземале официјалната веб-страница на Дуа Липа и дека тоа го направиле „чисто од научни цели, за оние кои мислат дека немаат капацитет“ и дека сајтот нема да биде функционален еден час, со слика како изгледал истиот по нападот.
А и да, вака изгледа ддос од асален калибар, ќе трае 1час, чисто за научни цели за оние кои мислат дека го немаме капацитетот:https://t.co/bf2cZAqh1F
Дуи нека липа едно саат време <3
— AnonOpsMKD (@MkdOps) July 22, 2020
Нешто подоцна, групата објави дека извршила напад на сајтот на уште една позната пејачка со албанско потекло, Рита Ора, тврдејќи дека нејзината страница нема да биде функционална во следните два часа.
Рита ја пративме на нива да ора, 2часа и се доста за почеток!https://t.co/2YdQWxyYGe
Косово е веќе поставено правилно на сите мапи, како дел од Србија.
We do not forget, We do not forgive, Expect us!
— AnonOpsMKD (@MkdOps) July 23, 2020
„Косово веќе поставено правилно на сите мапи, како дел од Србија“, напишаа на „Твитер“ групата AnonOpsMKD.
Се претпоставува дека оваа група стои и зад хакерските напади на Министерството за образование и Министерството за здравство во текот на вчерашниот ден, како и зад нападот на платформата „Тајм.мк“ на денот на изборите.
