Калчолигашот Лацио одново со пресврт успеа да слави победа во дуелот со Каљари и на тој начин да ја прекине серијата од 5 меча без триумф.
По 90 минути на семафорот на „Олимпико“ стоеше 2-1.
Уште во втората минута се затресе мрежата на домашниот голман Стракоша. Жоао Педро постигна феноменален гол од 25 метри, ама истиот беше поништен затоа што се работеше за индиректен удар.
Сепак гостите од Сардинија имаа водство од 0-1 по првите 45 минути со голот на Симеоне во последните моменти од првиот дел.
Сепак „небесносините“ по само 2 минути во вториот дел со прекрасниот погодок на Милинковиќ Савиќ во аголот на противничкиот гол го врати резултатот егал 1-1.
Најдобриот стрелец на тимот, Имобиле во 60 минута со погодокот направи целосен пресврт и воедно пак се врати на врвот на листата на стрелци сезонава во Серија А.
Лацио е четвти на табелата во Серија А, со 72 бода, еден помалку од Интер на третата и два бода минус од второпласираната Аталанта.
Каљари е на средината на табелата.
Интересен е податокот дека Лацио на 9 меча по рестартот на сезоната во Серија А има дури пет победи, односно порази со пресврт:
24.06.2020 – пресврт пораз нагости од Аталанта
27.06.2020 – пресврт победа дома против Фиорентина
30.06.2020 – пресврт победа нагости кај Торино
11.07.2020 – пресврт пораз дома од Сасуоло
23.07.2020 – пресврт победа дома со Каљари
> Лацио се специјалисти за „2 во 1“, така го средија и Каљари (.) <
