Студија објавена од Францускиот центар за анализа на тероризам (ЦАТ) открива дека 60 отсто од исламските радикали кои ја напуштиле Франција за да се борат во странство меѓу 1986 и 2006 година отишле за да извршат терористички престапи, пренесува „Фигаро“.
Студијата ги анализирала француските муслимани кои се бореле во Авганистан, Ирак и во Босна и Херцеговина. Истражувачите откриле дека поголемиот дел од оние што се вратиле во Франција, подоцна се вклучиле во тероризам.
Жан-Шарл Бризар, претседател на ЦАТ, ги коментираше наодите, велејќи:
„Досега меѓународните студии на сите идентификувани џихадисти во светот завршуваа со стапка на повторно враќање на тероризам од 11 отсто. Француската статистика е уште позагрижувачка “.
Додека 40 отсто од џихадистите што се вратиле не се вклучиле во вистински тероризам по пристигнувањето во Франција, „ Фигаро“ посочува дека многумина сè уште не се откажале од својата расна исламистичка идеологија, па дури и ја промовирале на помладите генерации.
Кај оние кои патувале за да се борат во Ирак во раните 2000-ти години е забележана најголема стапка на рецидивизам по враќањето во Франција, при што сите 16 екстремисти ги продолжиле своите терористички акции, во споредба со само 39 отсто од оние што патувале во Босна и Херцеговина.
Студијата доаѓа во време кога Франција треба да ослободи 2.540 радикални исламисти од затвор до 2022 година- над 300 од нив се директно поврзани со тероризам, а многу од нив се повратници од Ирак или Сирија каде што се бореле за групи како Исламска држава.
Голем дел од исламистите кои беа ослободени биле радикализирани додека биле во затвор, а Францускиот суд на ревизори тврди дека најмалку 498 притворени лица подложни на радикализација ќе бидат ослободени од 2020 до 2022 година.
Вкупно 10 затворски чувари биле повредени во шест одвоени напади изведени од исламистите меѓу 2018 и 2020 година. Други исламисти планираа терористички напади од затвор.
Во 2017 година, двајца затвореници во затворот „Фреснес“ беа фатени како заговараат терористички напад што требало да се случи по нивното ослободување. Тие успеале да стапат во контакт со припадниците на Исламска држава користејќи телефони шверцувани во затворот.
