Во последните 24 час во Австрија е забележан нов значителен скок на новозаразени лица, со 170 нови случаи на коронавирус.
Само во Виена се регистрирани 63 нови случаи на инфекција со коронавирус, а 50 во Горна Австрија.
Многу случаи се поврзани со враќањето на граѓаните од Западен Балкан.
Така, само во градот Салцбург, сите осум новорегистрирани случаи се поврзани со враќање на лица кои престојувале во земјите од Западен Балкан.
Во Австрија моментно има 1.384 активни заболени, од кои 102 се хоспитализирани и 15 се на интензивна нега.
Вкупно, во изминатите 24 часа биле спроведени 11.250 тестови.
Од почетокот на епидемијата во Австрија, на крајот на февруари, 20.043 лица биле позитивно тестирани за коронавирус, а 17.943 се излечиле.
