Времето утре ќе биде сончево со мала до умерена локална облачност и со слаб до умерен ветер, претежно од северо-западен и западен правец, информира УХМР.
Минималната температура ќе биде во интервал од 11 до 21, а максималната ќе достигне од 29 до 36 степени. Вредноста на УВ-индексот ќе биде 9.
Во Скопје, сончево со мала до умерена локална облачност и слаб до умерен северозападен ветер. Минималната температура ќе се спушти до 16, а максималната ќе достигне до 33 степени.
Во следните денови ќе се задржи претежно сончево и топло време, освен во петок попладне и во сабота, кога ќе има појава на нестабилна облачност со локален дожд и грмежи.
