Полицијата поднесе кривична пријава против ноќниот клуб во Струмица, во кој викендов, била организирана забава, без почитување на мерките за заштита од коронавирусот.
Пријава е поднесена и против едно одговорно лице И.В.(45) за кривично дело „непостапување според здравствени прописи за време на епидемија“.
„на 18.07.2020 на профил на социјалната мрежа ‘Инстаграм’, кој го користи пријавениот правен субјект, било објавено дека истата вечер во нивен угостителски објект ќе настапуваат естраден уметник и музичка група. Од преземените мерки и обезбедените докази било утврдено дека правното и одговорно лице дозволиле во периодот од 21.00 до 01.00 часот во објектот да се одржи настап на естрадниот уметник и музичката група и воедно дозволиле и присуство на неограничен број гости кои биле послужувани на шанк и стоечки маси, со што постапиле спротивно на Протоколот за отварање и работа на кафетериите, а кој произлегува од Планот за намалување на рестриктивните мерки за спречување на ширење на коронавирусот“, соопштија од МВР.
